چھیڑ شہادت اُنگلیۓ کڈھ سُر کوٸی اِکتاریا
سُن راتی دِئیے سپنیۓ تک سرگی دِیا تاریا
جھلمل شکل، خیالویں جگمگ، رُوپ نویکلا
واہ پانی دِیا چانناں، واہ مٹی دِیا گاریا
ساڑ رگاں سب نیلیاں بال مواتے چونویں
گال سریر کبیر نوں اندروں اندری پاریا
مار چھٹا ہک زورواں پلک پلک تے لون دا
اُتوں مِٹھیا چھالیا، وِچوں پانی گاریا
دس کوئی گل سمجھا کے ہنیر بھرے پاتال دی
اصلی یار پُرانیاں، اکھ وِچ ڈُبیا تاریا
آ عشقے دِئیے پُچھنیۓ ڈِگ اکھاں تے پِپنیۓ
گھیری جاندیۓ مستیۓ، پورا ہوندیا کاریا
رمز خیالوں نکلیا، شگناں نالوں سوہنیا
مہندی نالوں گوہڑیا سچ دے بھاروں بھاریا
اقتدار جاوید
No comments:
Post a Comment
Note: only a member of this blog may post a comment.