دنیا دی ہر ماں ہے سوہنی
ہیر توں پیاری ماں من موہنی
رانجھے کھیڑے کیدو بچے
سب دے ماں نال رشتے سچے
رب دا اک اوتار ہے ماں
سب نال کردی پیار ہے ماں
جے کر جگ تے ماں نہ ہوندی
پیار دی چھتر چھاں نہ ہوندی
نہ پھل کھلدے رنگ برنگے
لال گلابی مہندی رنگے
نہ کوئی جگ تے لوری گاندا
نہ کوئی مٹھرے گیت سناندا
رب نے بھیج زمیں تے ماں نوں
دِتا مان تران سی ماں نوں
ہر گھر نوں رب جنت دِتی
سمجھے جیہڑا اوہنے لتی
ماں دی قدر نہ جانے جیہڑا
اوہنوں مُڑ سمجھائے کیہڑا
ماں جنت دی تصویر جئی اے
جیہڑی ماں دے پیراں ہیٹھ پئی اے
دنیا دی ہر ماں ہے جیسی
میری ماں سی بالکل ویسی
عاصم بخاری
No comments:
Post a Comment
Note: only a member of this blog may post a comment.