باوا جمیل قلندر ہوراں دے ناں
جس دے مونہوں سن گوہرِ نایاب ڈگدے
جس دے دست سن ید بیضا ادبوں
ماندے مرض عروض دے کہن شغفوں
اساں پائی اے کامل شفا ادبوں
گلشن ادب دا خزاں مثال ہیسی
آیا جھونکا بہاری صبا ادبوں
چراں بعد پوٹھوہار دے وچ کوئی
آیا شاعر بالصفت الصفا ادبوں
جس دے خانوادے داغ بیل رکھی
جس نیں سخن سیں دتی جلا ادبوں
جس نوں بابائے پوٹھوہار دا لقب ملیا
جیہڑا ٹھہریا ماہ لقا ادبوں
جس دا اسم جمیل جمیل ہے سی
تے قلندر او بندۂ خدا ادبوں
رہیا زندگی پیکر ادب واجد
ابتداء ادبوں، انتہا ادبوں
واجد اقبال حقیر
No comments:
Post a Comment
Note: only a member of this blog may post a comment.