توں ایہہ نہ سمجھیں میں دے ریا واں بیان خالی
تیرے محلے چوں کر دیاں گا مکان خالی
جس چُکی اے جا کے روڑی توں لاش دھی دی
تسی تے سُنیا اے فوتگی دا اعلان خالی
مٹھائی والی دکان تیری کدے نئیں چلنی
مٹھاس توں جے رہوے گی تیری زبان خالی
ہے عشق والے دا پار لگنا اے یار بیڑا
توں لے کے پھردا رہوویں گا اوتھے ایمان خالی
اکرام ریحان
No comments:
Post a Comment
Note: only a member of this blog may post a comment.