پنجاں پِیراں نوں رانجھنے یاد کیتا
جدوں ہیر سنیہڑا گھلیا ای
ماں باپ قاضی سبھا گرد ہوئے
گِلہ سبھناں دا اساں جھلیا ای
آئے پیر پنجے اگے ہتھ جوڑے
نِیر روندیاں مُول نہ ٹھلیا ای
بچہ کون مصیبتاں پیش آئیاں
وِچوں جیو ساڈا تھرتھلیا ای
میری ہیر نوں ویر حیران کیتا
قاضی ماؤں تے باپ پتھلیا ای
مدد کرو خدا دے واسطے دی
میرا عشق خراب ہو چلیا ای
بہت پیار دلاسڑے نال پیراں
مئیں رانجھے دا جیو تسلیا ای
تیری ہیر دی مدد تے میاں رانجھا
مخدوم جہانیاں گھلیا ای
دو سد سُنا کھاں ونجھلی دے
ساڈا گاونے تے جیو چلیا ای
وارث شاہ اگے جٹ گاؤندائی
ویکھو راگ سُن کے جیو ہلیا ای
وارث شاہ
No comments:
Post a Comment
Note: only a member of this blog may post a comment.