پنجابی، ہندکو، چھاچھی زبان چ شاعری
لکھ لکھ شُکر خدا نا راہیو! راہ وچ ہک سراں تاں اَیہ
رات سفر نی کٹن واسطے امن امان نی تھاں تاں ایہ
سُن اوئے کُہاڑی والیا سنگیا! ساوا بُوٹا ٹُکن گناہ وے
کیہڑی غلطی کرن لگا ویں، اپھل سہی پر چھاں تاں ایہ
پار سمندروں خط آیا وے، دُور وسینیاں سجناں ناں
بھاویں مینڈے ناں نئیں آیا، اس وچ مینڈا ناں تاں ایہ
زندگی ناں ورتاوا ویکھیا فرقو فرقی لوکاں نال
موت ہِکا جیہی سب نا ورتے موتاں کول نیاں تاں ایہ
کدے بھرا کمزور بھی ہووے وت بھی اُس نی قدر ای کریے
بھاویں سجّی وانگ نئیں پر کھبّی بانہہ بی بانہہ تاں ایہ
غلام ربانی فروغ
No comments:
Post a Comment
Note: only a member of this blog may post a comment.