کل پرسوں دی گل اے پانڑی دی چھل اے
راوی دے کدھے میں دو پکھوں پدھے
منظر عجیب ہائی محبت عجیب ہائی
عقیدت عجیب ہائی تے قربت عجیب ہائی
جوڑے حسین ہان اصل اصیل ہان تے رج کے شکیل ہان
میڈے دل کو بھانڑے میں گھتے چا دانڑے
ہک چنج ہلاوے دوجھا کوئی نا کھاوے
اوہ ہک بئے کو تکنڑ نہ روونڑ نہ ہنسنڑ
اے تک کے تماشہ مینوں آیا ہاسا
میں دِتا دلاسہ تے دوہویں اڈائے چا
اوہ جاونڑ تو پہلے مگر پر ہلا کے
فضا اچ لہرا کے کجھ گنگنا کے
میتھوں اُچا ہو کے ہوا اچ کھلو کے
اوہ آکھن پرندے اوہ ظالم درندے
اوہ جاہل شکاری ظلم نہ کمائے کر
ازلاں تو بنڑے جوڑے نا جھٹ اچ ونجائے کر
توویں یاد رکھیں قاسم محبت دے قیدی سزا کوئی نئیں ہوندے
ایہ قدماں اچ مردن جدا کوئی نئیں ہوندے
مہر قاسم کلوانہ
No comments:
Post a Comment
Note: only a member of this blog may post a comment.