جیہڑا حال اے ساڈا اے بس سوہنڑے سانول کِیتے
اوں نکھڑ کے سمجھو واہندے دریا کوں تھل کیتے
پتے اوندا چہرہ ڈٹھیں اساں کیویں تھیسوں
جیندیاں خالی اکھیں ساکوں پورا پاگل کیتے
اِتھاں کئی وی کیہندا کونی ہک ڈینہہ اونکوں آکھم
اوں وت میڈی گل کوں سُنڑ کے اس تے عمل کیتے
پہلے جنگاں تھیاں ہِن پر ڈیوے کونن بُجھے
یاراں اُتے جِند وارنڑ دا واقف کربل کیتے
سال گزر گئے یار دی ساکوں پپلی اتے لکھدیں
کینجھے یار ہن جیکوں بنداں منٹ اچ غزل کیتے
عادل کہاوڑ
No comments:
Post a Comment
Note: only a member of this blog may post a comment.