ایہہ پنڈی نئیں کوئی کوفہ ہے
جتھوں ہر پھیریں ساکوں لاش ملی
جتھوں جیونڑ دی ناں آس ملی
ایہہ پنڈی نئیں کوئی کوفہ ہے
جتھاں وسوں دے ارمان لٹے
جتھاں درداں دے درمان کٹھے
ایہہ پنڈی نئیں کوئی کوفہ ہے
جتھاں جیلاں دے اساں قہر سہے
جتھاں بے جرمیں اساں قید رہیے
ایہہ پنڈی نئیں کوئی کوفہ ہے
جتھاں بھوئیں واسی معتوب تھئے
جتھاں ونج اساں مصلوب تھئے
ایہہ پنڈی نئیں کوئی مقتل ہے
جتھاں ہر پھیریں ساکوں ہار ہوئی
جتھاں سندھڑی دی ونج دھی موئی
ایہہ پنڈی نئیں کوئی کوفہ ہے
مدثر بھارا
No comments:
Post a Comment
Note: only a member of this blog may post a comment.