رُت بہار نی آمد
وچھڑے موسم واگاں موڑیاں
سِدھیاں کیتیاں رب اُپٹھیاں
اَساں نے میرے کنک نسری
اَساں نے ویہڑے داکھاں پُھٹیاں
رُت رنگیلی رنگ پئی چھڑکے
جاگھاں جاگھاں بھر بھر مُٹھیاں
اَج ہُڑیال بھی کالے چٹے وچ
ہُچھ، ہُچھ مارن چھالاں اپُٹھیاں
رنگلی رُت نیاں ساویاں پریاں
کالے دیو نی قیدوں چُھٹیاں
نال بہاراں نے مڑ آئیاں
چڑیاں پچھلی رُت نیاں رُٹھیاں
لمبی نیندر سُتیاں بُوٹیاں
اپنی خاکی سیجوں اُٹھیاں
غلام ربانی فروغ
No comments:
Post a Comment
Note: only a member of this blog may post a comment.