آپناں گراں
آپنا گراں ہووے
تُوتاں دی چھاں ہووے
وانڑیں دی منجی ہووے
سِر تلے بانہہ ہووے
شملہ اُچیرا رکھاں
ہتھ وِچ بٹیرا رکھاں
حجرے تے ڈیرا رکھاں
سنگتاں اِچ ناں ہووے
آپنا گراں ہووے
جتنے دیہاڑے جِیواں
خوشیاں ناں سائیں تھیواں
لسیاں تے دُدھ پِیواں
کِلّے اُتے گاں ہووے
آپنا گراں ہووے
چِلماں دے سُوٹے لاواں
کافیاں تے دوھڑے گاواں
تیرے بُوہے تے آواں
تے نکئی جئی ہاں ہووے
آپنا گراں ہووے
ہتھاں دی لکیراں ویکھاں
نالے تقدیراں ویکھاں
رانجھے تے ہیراں ویکھاں
وگدا چناں ہووے
آپنا گراں ہووے
پُجھے ہوئے بٹیرے کھاواں
جدوں وی ڈیرے جاواں
پیڑے تے برفی کھاواں
چنگی جئی سراں ہووے
آپنا گراں ہووے
توتاں دی چھاں ہووے
وانڑیں دی منجی ہووے
سر تلے بانہہ ہووے
تائب رضوی
No comments:
Post a Comment
Note: only a member of this blog may post a comment.