اُوندے اگوں بولن کیتے ہر کوئی بولن سِکھے
جگرا ہے تاں سِجھ دے اگوں ڈیوا ٻالن سکھے
دنیا اُتے سب توں سوہنا ساڈے یار دا مُکھڑا
گوگل حالی سوہنی شے کوں ٻیا گولن سکھے
ہکلاپے دے ڈکھ دا شاید اُونکوں پتہ کائے نی
اونکوں آکھو ساڈا ناں تاں کہیں دا تھیون سکھے
اللہ آلی صفت سوکھی بندے وچ نی آندی
بندہ کینویں عیباں اُتے پردے پاون سکھے
دھرتی اتے اوہو بندہ وڈا بندہ ہوندائے
ڄیڑھا سب کوں نال رلا کے اگاں ودھن سکھے
عشق اساڈے کٹھے کھیڈ کے ایڈا وڈا تھیائے
اساں مونجھ دی مرلی وچوں جیون جیون سکھے
ساحر رنگپوری کوں آکھو کے تئیں جُھمر لکھسی
نواں دور اِے سوہنیاں شکلاں اُتے لکھن سکھے
ساحر رنگپوری
No comments:
Post a Comment
Note: only a member of this blog may post a comment.