کیا ڈسوں کیڑھی سرکار دے مرید ہیں
اللہ سئیں دے بندے ہسے یار دے مرید ہیں
قاضی ساڈے بہرو، منصور ساڈے اندر اے
انویں ہیں مسیتڑ انویں دار دے مرید ہیں
چٹے چٹے خمرے ہیں تخت ہزارے دے
نیلی نیلی ہیر دی مزار دے مرید ہیں
سوہناں ساڈے لہجے وچ پار دے پچھانویں ہن
اساں اروار والے پار دے مرید ہیں
توں میڈا دولی ہیں تے میں تیڈا جھومری
اساں ڈوہیں ہکی دربار دے مرید ہیں
انویں تیڈیاں اکھیں وی شراب کولو گھٹ نی
انویں اساں اپنے خمار دے مرید ہیں
تیڈے کولوں اکھیں ساڈیاں مُندریاں نی اصغر
تیڈے کولوں وڈے فنکار دے مرید ہیں
اصغر گورمانی
No comments:
Post a Comment
Note: only a member of this blog may post a comment.