خورے کدھروں اک خوشبوئی واواں نال
آوے تے فر کھہہ کھہہ جاوے ساہواں نال
کدی کدائیں وچھڑے ویلے دی اک یاد
دل دا میل کراوے کھنجیاں تھانواں نال
جد مُڑئیے تے جی آیاں نوں آکھے کون
کون سفر تے ٹورے گھروں دعاواں نال
دلوں سواگت کراں اُنہاں دا جیہڑے اون
تپدے شہراں دے وچ لے کے چھانواں نال
دِھیاں پُتر شان گھراں دی، پر اکرام
ہون گھراں دے بھاگ اُچیرے مانواں نال
اکرام مجید
No comments:
Post a Comment
Note: only a member of this blog may post a comment.