سچے اکھر
سُن اوہ بندیا! رب دیا بندیا! گل تینوں سمجھاواں
دین دی روح دا مقصد کیہ اے ایہ تیرے کنیں پاواں
لوکاں نُوں پتیاون خاطر پیا توں متھے ٹیکیں
کھڑ کے وچ دربار الٰہی اپنا آپ نہ ویکھیں
گند نال بھریا اندر تیرا خالی نہیں کوئی تھاں
تیرے شر توں خالی نہیں اج کوئی وی گھر دی لاں
سچی لگن بناں نہیں ہونا حل تیرا کوئی جھیہڑا
ہر دے دکھ وچ سانجھی ہونا مومناں کم اے تیرا
ایہ تیری ایہ بلڈنگ اُچی ایہ تیرا پہناوا
ایہ تیرا ایہ جھُگا چولا کالا پِیلا ساوا
رہ جانا اِس دُنیا اُتے خالی ہتھ توں جانا
خورے تیرے حِصے وچ نہیں دو گز بھوں وی آنا
غلام رسول شوق
No comments:
Post a Comment
Note: only a member of this blog may post a comment.