پنجابی پوٹھواری پوٹھوہاری پہاڑی شاعری
لمی گل بجھانڑاں نانہہ میں
پھنگاں ای ڈار بنانڑاں نانہہ میں
مہھاڑے نال وی ریہھنجاں تھئیاں
بخری گل ای بانڑاں نانہہ میں
جوڑ ہنگاہ سلامت مہھاڑے
لُوہلا کُھڈا کانڑاں نانہہ میں
اے دنیا بدذات دِلے نی
ہس نا جُٹھا کھانڑاں نانہہ میں
آپنڑی ٹَوہر خراب نہ کرنا
پہھار پرایا چانڑاں نانہہ میں
جگ نی چِت چلاکی سمجھاں
ایڈا دوست سیانڑاں نانہہ میں
مہھاڑا کم آ پھاہے رکھنڑاں
اگ دلاں وچ لانڑاں نانہہ میں
عبدالرحمان واصف
No comments:
Post a Comment
Note: only a member of this blog may post a comment.