پنجابی پوٹھواری پوٹھوہاری پہاڑی شاعری
ما مرسی تے جیساں کِس رے
ما دعائیں ناں سجرا بُوٹا
ما جنتاں ناں اُچّا چوہھٹا
سارا رونڑق میلہ اُس نل
چنگا گزرے ویلا اُس نل
اُس نل رحمت برکت ساری
اُس نل دین تے دنیاداری
سجے کھبے دُشمنڑ جتڑیں
اُنہاں اَپر کلہیوں پہھاری
ہُنڑ ایہہ سوچاں سینڑ نانہہ دینڑ
کلہیوں بہواں تے بہنڑ نانہہ دینڑ
ماؤ سوں دور وی رہنڑ نانہہ دینڑ
کِس رے اُس کی قورے لاہساں
پَڑیاں کِس رے رَخساں منڑ منڑ(من من)
کِس رے بُک بُک مٹی باہساں
اَتھروں آپڑیں پِیساں کِس رے
ما مرسی تے جیساں کِس رے
فیصل عرفان
No comments:
Post a Comment
Note: only a member of this blog may post a comment.