Monday, 22 May 2023

دروداں سلاماں خدا جس تے گھلے

 دروداں سلاماں خدا جس تے گھلّے 

مکاں لا مکاں اوہدے پیراں دے تھلے 

اوہ ہے جیہڑا سارے جہاناں دا مولا 

سبھے راز اوہدے نیں کملی دے پلے 

اوہ رحمت دا ساون وسیندا اے تھاں تھاں 

اوہدے کرماں نے میرے دُکھڑے نیں ٹھلے 

اوہ صورت نبی پاکﷺ دی اللہ اللہ 

کہ اللہ وی جس نوں کہوے بلے بلے 

ملے جے زبان مینوں جبریلؑ دی تے 

میں دَساں محمدﷺ دے کیہ نیں تجلے 

محمدﷺ دا ناں عاشقاں دی عبادت 

فدا اوس توں سارے دانے تے جھلے 

نبی غوث ابدال تفصیل اس دی 

اوہدے نور دا دیوا تھاں تھاں تے جلے


غلام رسول شوق

No comments:

Post a Comment

Note: only a member of this blog may post a comment.