پنجابی سرائیکی شاعری
وقت بے حال ہا کہیں حال وی رہ سگدا ہا
ساڈے ویڑھے تاں تیڈا خیال وی رہ سگدا ہا
اوندی خُشبو پئی ڈسیندی ہے جو او گھر ول اَئے
اوندا کیا ہے اوں تاں ایں سال وی رہ سگدا ہا
جینویں لوکیں کوں لباں سُک سجا کے مِلدے
اتنا رشتہ تاں اساں نال وی رہ سگدا ہا
چُور چُور اینویں تھیا دل جو رُلیے گئے چہرے
شیشہ ہووے ہا پیا وال وی رہ سگدا ہا
نہ رہی تار چنانہہ عشق دی نہ کچے گھڑے
سوہنی رہ سگدی ہئی مہینوال وی رہ سگدا ہا
کتنا خوش بخت ہا جو لال انگارا کھا گئے
اوندے منہ وچ تاں کوئی لعل وی رہ سگدا ہا
بُھوئیں کوں ایں اَئین بھنوالیاں جو بُھلیاں سب سمتاں
او میڈی بھال دا بھئی وال وی رہ سگدا ہا
ککھ ہا رُلدا ہویا دل ڈھول ولا رول ڈتی
اے دِوانہ تیڈی درسال وی رہ سگدا ہا
دل تاں سینگا ہا تیڈا نال میڈے بُڈھڑا تھئے
نال ہوویں ہا پیا بال وی رہ سگدا ہا
راس آیا نہ اونکوں دل دا ویرانہ شاہد
او میڈی پلکیں دی پنیال وی رہ سگدا ہا
عزیز شاہد
No comments:
Post a Comment
Note: only a member of this blog may post a comment.