چُپ دا رُکھ
نہیں
چُپ دے ایس رُکھ توں
میں اَکھر نہیں توڑے
ایہہ تاں جو رُکھ نالوں جھڑے سی
میں اوہی اکھر چُنے ہن
نہیں
تُساں نوں، جاں کسے نوں
میں کُجھ نہیں آکھیا
ایہہ تاں جو لہو وِچ بولے سی
میں اوہی حرف سُنے ہن
اک بجلی دی لمبی لِیک سی
چھاتی چوں لنگھی سی
ایہہ تاں کجھ اوسے دے ٹوٹے
میں پوٹیاں تے گِنے ہن
تے چن نے چرخے تے بہہ کے
جو بدل دی کپاہ کتّی
ایہہ تاں کجھ اوہی دھاگے نیں
میں کھڈی تے اُنے ہن
نہیں
چُپ دے ایس رُکھ توں
میں اَکھر نہیں توڑے
ایہہ تاں جو رُکھ نالوں جھڑے سی
میں اوہی اَکھر چُنے ہن
امرتا پریتم
No comments:
Post a Comment
Note: only a member of this blog may post a comment.