دیس دی مُٹیار
کِھلی ماریں کھڑ کھڑ ہسیں
چھالاں مار کے کھالے ٹپیں
ناچ اولے توں پئی نچیں
اکھاں کرن اشارے نی
میرے دیس دِئیے مٹیارے نی
کرتی تیری سوہنی سچی
دن دن ہندی جاوے اچی
کناں توں توں ہو کے بچی
سر دے وال کھلارے نی
میرے دیس دئیے مُٹیارے نی
انکھاں والے تیرے ویرے
ڈِگ نہ پین اوہناں دے چیرے
سانبھ جوانی اپنی ہیرے
ویلا پیا پکارے نی
میرے دیس دئیے مُٹیارے نی
کئیاں مویاں کھا کے موہرے
چڑھ ڈولی نہ گئیاں سوہرے
لا گئے جُھوٹھے لارے نی
میرے دیس دئیے مُٹیارے نی
کنیں مُندراں بھیس وٹا کے
نُور عشق دی بین وجا کے
لے جاندے نیں پچھے لا کے
میدے شیدے دارے نی
میرے دیس دئیے مُٹیارے نی
نور کپور تھلوی
نور محمد نور
No comments:
Post a Comment
Note: only a member of this blog may post a comment.