پنجابی سرائیکی شاعری
کہیں کوں لمس بانہیں دا ادھارا کون ڈے سگدے
اساں جئیں بے سہاریں کوں سہارا کون ڈے سگدے
اکھیں دی بے وسی دا کوئی مداوا تاں نی تھی سگدا
ہنجھوں دے تار دریا کوں کنارہ کون ڈے سگدے
خداوندا! میڈی ہینڑی جھئیں ہستی دی پارت ہئی
تیڈے باجھوں میڈی عزت تے پارھا کون ڈے سگدے
چلو غلطی وی انسانیں دی فطرت دا تقاضا ہے
کہیں بے حس کوں دل وچ جاہ دوبارہ کون ڈے سگدے
جیڑہے حامد سجنڑ بنڑدن،۔ اوہے پاڑاں پٹیدن چا
سوا یاریں دے یاریں کوں خسارہ کون ڈے سگدے
حامد مجید
No comments:
Post a Comment
Note: only a member of this blog may post a comment.