پنجابی سرائیکی شاعری
یاریں دے یار یارا اینجھے وی یار ہوندن
زندگی دے وعدے کر کیں لحظے دے پیار ہوندن
پل دی بہار اندر پل دے سہارے بنڑدن
جیویں شراب والے پل دے خمار ہوندن
وقتی ملاپ تھیون وقتی نکھیڑے تھیندن
راہندے نہیں ہمیشاں وقتی سنگھار ہوندن
جیونڑ دی ہے نشانی کہیں نال پیار ہونونڑ
جیندیں دے میل ہوندن موئیں دے مزار ہوندن
کجھ تیر کہیں دی اکھ توں کہیں کہیں کیتیں نکلدن
کجھ تیر اینجھے ہوندن سینے توں پار ہوندن
سُنڑ گھن امیر راول نکھڑنڑ توں بعد جگ تیں
جیتیں دے ہار گل نہ ہاریں دے ہار ہوندن
امیر راول لنڈ
No comments:
Post a Comment
Note: only a member of this blog may post a comment.