حیاتی نے دکھ
ہنڑ لغے نے جان اے منگنڑ
درد اے سولی اپر ٹنگنڑ
خوشیاں ساریاں مرنیاں گشنیاں
دکھ ظالم پئے بچے جمنڑ
عُمراں نے پنجہل نے ڈاہڈے
جُسے نِیاں کنداں کنبنڑ
شام سویلے ابن آدم
سوچاں نیاں پنڈاں بننڑ
ما پے آلیاں بہاراں مڑن تے
اک واری او ویلے لبنڑ
دکھ پوگی پوگی تے سنگیو
ہُنڑ لغے نے ساہ وی سنبنڑ
عمران راجہ
No comments:
Post a Comment
Note: only a member of this blog may post a comment.