جیکر توں ہمسفر ہونویں تاں ڈر محسوس نیں تھیندا
سفر سنگلاخ پتھریں دا سفر محسوس نیں تھیندا
زمانے دے حوادث، پوہ دا پالا، ہاڑ دی گرمی
تے روہ جتلا ستم دا وی اثر محسوس نیں تھیندا
اوندے گھر دی گلی توں یا لنگھوں ہا رو ڈیندے ہا سے
سویرے شام تھیندے ہن گزر محسوس نیں تھیندا
زمانہ تھئے اساں رلدے ودے ہیں گھر نسے ول گئے
پتہ نیں کیوں جو اپناں گھر وی گھر محسوس نیں تھیندا
محبت وچ کوئی بادل جے پھل مارے وی مر ویندوں
پتھر مارے جیکر کوئی پتھر محسوس نیں تھیندا
انعام اللہ بادل
No comments:
Post a Comment
Note: only a member of this blog may post a comment.