اجڑے دل کوں شاد کریندا رہ ویندے
او ساڈی امداد کریندا رہ ویندے
آپو جان ہیں آساں اوندی قید دے وچ
او ساکوں آزاد کریندا رہ ویندے
ساڈے ہتھو روز گراں ڈھہ پوندا ہے
کون پتہ نئیں یاد کریندا رہ ویندے
ڈاڈھا اپنا حصہ پہلے گھن کھڑدے
ہینا بس فریاد کریندا رہ ویندے
بہوں سارا برباد کرن دے بعد ولا
کجھ نہ کجھ آباد کریندا رہ ویندے
کہیں ڈینہہ کھٹیا کھاسی لاپرواہی دا
ہر کہیں تے اعتماد کریندے رہ ویندے
یوسف سنجرانی
No comments:
Post a Comment
Note: only a member of this blog may post a comment.