ساڈی لو سٹوری دا بس ہکو پاٹ تھیا ہے
میکوں اپناں عادی کر تے ویندی واٹ تھیا ہے
عرصے بعد اج کال کیتی ہس دل ول دھڑکن پے گے
چوگ چوی تاں موٹر سائیکل ول اسٹارٹ تھیا ہے
ہسی زندگی جی تے اساں ہسی موت موئے ہیں
نا کہیں وین دی ویل گھولی ہے نا روواٹ تھیا ہے
جھولی دےوچ پا تے پنج نسلیں کوں چھاں ڈتی ہس
بوہڑ ساڈا کپیے ول در دی چوکاٹ تھیا ہے
میڈے حصے دے سکھ وی کوئی ہیا ونج مانڑیس تائب
میڈے ہاں دا ٹکڑا کہیں بئے کوں آلاٹ تھیا ہے
رفیق تائب
No comments:
Post a Comment
Note: only a member of this blog may post a comment.