واڈھی
عزرائیل نیں لاہندھے چڑھدے واڈھی لائی
کچی پکی وڈھی جاندا
وڈھیاں دے پُولے پیا بنّھدا
کیہہ آکھاں میں سوہنیا ربا
نیلی چھتری والیا ربا
کچے پّکے تیرے سِٹّے
تیریاں فصلاں
میں سوچاں تے دانہ دانہ کردا جانواں
عزرائیل دے ہتھوں داتری
توں کھوہ سکنا ایں
میرے وس نئیں
میرے لئی تے حکم توں لایا
میں تے اجڑی پیلی اپنی
دور کھلوتا تک سکنا ہاں
وڈھی کول کھلو نئیں سکدا
تھبا بھرکے رو نئیں نہیں سکدا
اشرف یوسفی
No comments:
Post a Comment
Note: only a member of this blog may post a comment.