پنجابی پوٹھواری پوٹھوہاری پہاڑی شاعری
دل نل دل نے تار ملائیے
عیدی ناں تہوار منائیے
ایہہ تے موقع کہھٹ ای اسناں
دنیا ناں ہر بندہ دَسناں
رُسے اپنڑیں یار منائیے
عیدی ناں تہوار منائیے
رونڑاں تکھی اوہ وی رونڑیں
منسو سنگی سنگی ہونڑیں
دشمنڑ کی وی سینے لائیے
عیدی ناں تہوار منائیے
چنگا چوکھا لائیے کھائیے
وچ مستی نے لُڈیاں بائیے
اپڑیں مرضی آئیے جائیے
عیدی ناں تہوار منائیے
دُکھیاں نے دُکھ درد بنڈھا کے
ماڑیاں کی وی سینے لا کے
یہھاتی کی گلزار بنائیے
عیدی ناں تہوار منائیے
شکور احسن
No comments:
Post a Comment
Note: only a member of this blog may post a comment.