دل درد توں ماندی نہ تھی درد جگر ایویں ہوندن

 پنجابی سرائیکی شاعری

دل درد توں ماندی نہ تھی دردِ جگر ایویں ہوندن 

ویسن گزر اصلوں نہ ڈر ظلم و قہر ایویں ہوندن 

ہے عشق وچ مشکل بہوں، چِت چِل اتے گپ گِل بہوں

ہمت کریں اے دل بہوں، ظلمی سفر ایویں ہوندن 

چُک پئی سسی ہک تل کنوں، پُنل ونجائس گھِل کنوں

رہ گئی مٹھی منزل کنوں اوکھے پہر ایویں ہوندن

ہر و قت ہر دم نال ہے، مہر و نظر دا کال ہے

سانول دی الٹی چال ہے، سوہنیں دے شر ایویں ہوندن

عُشّاق دے سالار و سر، کربل دے غازیاں دے صدر

مُرسل محمدﷺ دے پسر، جان و جگر ایویں ہوندن 

خواجہ غلام فرید کوریجہ