جدید پنجابی شاعری
عید
فیر دُعاواں، فیر دُعاواں، فیر دُعاواں تینوں
جا اے سجنا ساڈے ولوں ڈھیر دُعاواں تینوں
جے سر سائی دید کرا کے سانوں عید کراویں
رب دی قسمے دیواں گے کئی سیر دُعاواں تینوں
تیرے ڈُلھے پانی وچوں چُنجھاں بھر کے پکھواں
توں کیہ جانے دِتیاں کِنّی دیر دُعاواں تینوں
اکھاں ساہویں کھاندا سئیں جد بُلھیاں تے رکھ رکھ کے
میں تے میں ساں دیندے رہ سن بیر دُعاواں تینوں
تیرے روپ تے جدوی لِکھیا چھجاں بھر بھر دیندے
اکھر، نُقطے، پیشاں، زبراں، زیر دُعاواں تینوں
رب ایں ساڈا من جاویں گا ہس کے ہر گل ساڈی
بالاں وانگر لینا اے جد گھیر دُعاواں تینوں
پِچھے ماں سی تاں تے سندھو ہر بلا دے ساہویں
کیتی رکھیا ساری عمراں شیر دُعاواں تینوں
ارشاد سندھو
No comments:
Post a Comment
Note: only a member of this blog may post a comment.