وچھڑی جوانی
وچھڑی میری جوانی کیوں یاد آ رہی اے
کیوں دھڑکدا اے ہردا کیوں جان جا رہی اے
مَدھ مست اوہ ہواواں جھم جھم کے آ رہیاں نیں
پھٹڑ دِلاں دے اُتے چُھریاں چلا رہیاں نیں
بیتے ہوئے سمے اج مُڑ یاد آ رہے ہن
وِسرے ہوئے زمانے پھر یاد آ رہے ہن
البیل زندگی دے چیتے پئے ستاندے
ہنجواں وچ روہڑ کے تے آہواں دی اگ لاندے
ہائے خوشی دے دن اوہ، آنندیاں اوہ راتاں
اوہ مست اکھیاں تے رس والیاں اوہ باتاں
کِتھے گیا سماں اوہ خوشیاں تے چاواں والا
کِتھے گیا سماں اوہ آساں اوہ ماواں والا
جوشوا فضل الدین
No comments:
Post a Comment
Note: only a member of this blog may post a comment.