پنجابی سرائیکی شاعری
اکھ تھوں ہنجھ دی قطار آئی ہوسی
جِہیڑی دامن دے پار آئی ہوسی
مونجھی مونجھی ہوا نظردی ہے
وت سنیھا وِسار آئی ہوسی
کِتنے ونگیں دے سنگ ٹولی وِچ
ونگ تیڈی بازار آئی ہوسی
ساڈے پاسے اُویں خِزاواں ہِن
تیڈے پاسے بہار آئی ہوسی
تھکی تھکی ہے زندگی ساڈی
پہلے کہیں کوں گزار آئی ہوسی
کِیویں نِکھڑیا ہے گھر بِھرانواں دا
کِیویں ادھ اِچ دِیوار آئی ہوسی
کہیں دی خوشیاں دا قافلہ مر گئے
تیڈے ہتھیں مہار آئی ہوسی
اکھ تھوں ہنجھ دی قطار آئی ہوسی
جِہیڑی دامن دے پار آئی ہوسی
مخمور قلندری
No comments:
Post a Comment
Note: only a member of this blog may post a comment.