گُنجل
کَدی ویکھے نیں
تاگیاں دے گُنجل؟
جے پے جاون تے
کھولنے اُوکھے ہو جاندے نیں
نہ کُھلن تے کَچِیچی آندی اے
کھولدے کھولدے کُھلن بجائے
ہور گُنجل پِیندے جاندے نیں
تے بے زاری ہون لگدی اے
اِنج ای اَج کل
کِنیاں سوچاں دے گُنجل
ذہن وِچ پئے ہوئے نیں
نہ کُھلدے نیں
نہ اِیہناں تو جان چُھٹدی اے
ہر ویلے دِل ہوکے پردا اے
اک اوازاری نال رہندی اے
عنیزہ غفور
No comments:
Post a Comment
Note: only a member of this blog may post a comment.