یا مصطفیٰ خیر الوریٰ تیرے جیا کوئی نہیں

 عارفانہ کلام حمد نعت منقبت

یا مصطفیٰﷺ خیر الوریٰ، تیرے جیا کوئی نہیں

کینوں کہواں تیرے جیا،۔ تیرے جیا کوئی نہیں

تیرے جیا سوہنا نبیؐ، لبھاں تے تاں، جے ہووے کوئی

سانوں تاں ہے ایناں پتہ، تیرے جیا کوئی نہیں

اقصٰی دے وچ آقاؐ میرے، پڑھ کے نماز پیچھے تیرے

نبیاں نے وی ایہو کہیا، تیرے جیا کوئی نہیں

گودی چہ لے کے سرکارؐ نوں، سوہنے مٹھل منٹھار نوں

آکهے حلیمہ سعدیہ، تیرے جیا کوئی نہیں

من مونہیاں نبیؐ سوہنیا، قرآن ہے تیرا نعت خواں

عرب و عجم دے والیا، تیرے جیا کوئی نہیں

رب نیئں کہیا تیرا موڑ دا، دل نیئں کدی تیرا توڑ دا

من دا، خدا تیری رضا، تیرے جیا کوئی نہیں

ہووے فقیر یا بادشاہ، بھاویں گدا نیازی جیا

سب کھاندے نیں صدقہ تیرا، تیرے جیا کوئی نہیں

عبدالستار نیازی