عارفانہ کلام حمد نعت منقبت
کرم بن کے سوہنا جے آیا نہ ہندا
تے غریباں دا دل مسکرایا نہ ہندا
تے سانوں گناہواں دی دھپ ساڑ دیندی
جے سر تے محمدﷺ دا سایہ نہ ہندا
فلک خوبصورت سجایا نہ ہندا
کسے شے دا ایتھے سایہ نہ ہندا
نہ حوراں دے قصے نہ آدم نہ حوا
نہ یعقوبؑ یونسؑ نہ یوسفؑ نہ زلیخا
نہ تختاں تے تاجاں دے سلطان ہندے
نہ محلاں دے ولی نہ دربان ہندے
نہ ملدی کسے نوں کدی زندگانی
ہوا ایہہ نہ ہندی تے نہ ہندا پانی
نہ عرشی نہ فرشی نہ خاکی بیانی
زمانے تے کجھ نہ ہندا ظہوری
کسی چیز دا ایتھے سایہ نہ ہندا
جے رب نے محمدؐ بنایا نہ ہندا
محمد علی ظہوری
No comments:
Post a Comment
Note: only a member of this blog may post a comment.