پنجابی شاعری
امباں دی واڑ وڈھ کے اکاں نوں لا دواں
چُنی کریپ دی کیویں کِکراں تے پا دواں
مَنیا میری مجال نئیں، دل دا خیال اے
رَبا تیرے جہان نُوں چُلہے چہ ڈاھ دواں
مرضی میری میں جیس نوں رکھاں سنبھال کے
مرضی میری میں جیس نُوں چاہواں بُھلا دواں
دل ایہ گُھما کے کندھ چ ماراں کسے دی آس
آہو تے کیوں نہ پیار دا قصہ مُکا دواں
لکھ کے کسے نئیں لال سیاہی ناں بھیجیا
بشریٰ میں دل دی آس نُوں سُولی چڑھا دواں
بشریٰ ناز
No comments:
Post a Comment
Note: only a member of this blog may post a comment.