پنجابی سرائیکی شاعری
کیڑھا اتھاں جیندے پئے ہیں اپنڑے کیتے
تیڈے سر دا صدقہ ہسے صدقے کیتے
اسے ویلے چڑیاں ساڈا وسبہ چھوڑے
جیڑھے ویلے اساں کوٹھے پکے کیتے
تساں ساڈے پیت پیار کوں دھوکہ آکھے
تساں ساڈی ہر ہک گال دے پکسے کیتے
چرمر آلے بابے اپنڑی ریڑھی اتے
توشے آلا شاپر رکھے جھونگے کیتے
ساکوں اوندی صورت ڈیکھ کےنشہ تھیندے
وسکی آلی بوتل ہے او ساڈے کیتے
ساکوں اپنڑے پراں دا ہے کیڑھا فیدہ
اساں کالے تتر ہسے پنجرے کیتے
ایندے وچ میں اپنڑاں ماضی دفن کرنڑے
اج میں نوواں جندرہ آندے بکسے کیتے
اساں تاں سکرور دے وانگوں نکھتے گئے ہیں
تساں جیلیں اپنڑے دانڑے ہچھے کیتے
منشو بھٹہ
No comments:
Post a Comment
Note: only a member of this blog may post a comment.