پنجابی سرائیکی شاعری
اتنی قہر دی اُک ہے وت وی بوٹا ہلدا کھڑے
میکوں لگدے پُھلیں نال اے چالاں چلدا کھڑے
ساڈے شہر اچ اج کل اوکوں ایویں ڈٹھا ویندے
چِٹے ڈینہ کوں جیویں چوک اچ بلب بلدا کھڑے
تیڈی چُنگ کوں دیر ہے حالی لحظے تانی آنویں
حالی دل دی چکی دے وچ ڈالا ڈلدا کھڑے
تہاڈی مرضی تساں اوکوں پکڑو یا نہ پکڑو
ہن تاں آپیں یارو چوری چور سولدا کھڑے
ہک ڈینہ واقف خواب ءچ میکوں بھل کے سڈیا ہاسی
اوندے سڈ دا حالی توڑیں در تے ولدا کھڑے
مناف واقف
No comments:
Post a Comment
Note: only a member of this blog may post a comment.