پنجابی سرائیکی شاعری
میکوں سانول اینویں تیڈا چہرہ چنگاں لگدے
پگھر دے وچ جیویں وا دا جھولا چنگاں لگدے
میڈیاں اکھیں کوئی وی منظر ادھا ڈیکھ نی سگدیاں
تہوں تاں میکوں سجھ وی پورا ابھریا چنگاں لگدے
میں الوینداں تہوں تاں کہیں کوں چنگا نمہی لگدا
ایں وستی کوں شاید بندہ گونگا چنگا لگدے
وت اج کالا جوڑا پا کے باہرو نکھتا آندے
اللہ خوشیاں ڈیوس اگیں تھوڑا چنگاں لگدے
تہوں میں اپنڑے سر کوں نوک سناں تے رکھ کے آیاں
آہدن پیار بچاونڑ کیتے صدقہ چنگاں لگدے
توں جو میڈے نال ہمیشہ غصہ کیتی رکھدئیں
ڈیوے نال ہوا دا ڈس ہاں جھیڑا چنگا لگدے
ٹھیکء یوسف نہ ہا لیکن ناں تاں یوسف ہاسی
اج وی میڈے ہک ہمسائے کوں چولا چنگا لگدے
جتھاں کہیں دے پیریں ہتھ رکھ ناں لکھویجے اپنڑا
اینجھی محفل کولوں بندہ پولھا چنگا لگدے
ہنڑ بس عارض ہکو خفت ء سارے خوف مٹا کے
ہنڑ بس اوکوں آکھ ڈیویجے سدھا! چنگا لگدے
سجاد عارض
No comments:
Post a Comment
Note: only a member of this blog may post a comment.