پنجابی سرائیکی شاعری
جو وی آہدیں چپ کر ویندوں کافی نی
وت وی تیکوں پیار کریندوں کافی نی
جتنی دڑکے ڈیندیں رونڑاں چاہیدا ہے
کھلدیں کھلدیں جو بڈ ویندوں کافی نی
توں کیا چاہندیں توں نکھڑیں تاں مر پووں
آپ کوں چاٹاں آپ مریندوں کافی نی
توں جو اہدیں تیڈے ناں دا ورد کروں
تیڈی خاطر شعر آکھیندوں کافی نی
تیڈے نال نہ جی سگئیے تاں کیا شازل
تیکوں ڈیکھ تے جیندے ویندوں کافی نی
شہباز شازل
No comments:
Post a Comment
Note: only a member of this blog may post a comment.