چُپ اے اندر بُتاں ہار
وِچ مندر چا ہوندا گھار
پا دیندا کوئی گلمی ہار
بھَن دیندا کوئی کھوجن ہار
فاقے نال نے وَکھیاں جڑیاں
آکھن لوکی روزے دار
غیرت دے ناں وَڈھی گئی
اک مُٹیارن الہڑ نار
ماں نُوں ساہ ہُن مُل لبھدے
پُتر شہر دے ساہو کار
جُثّا بھُردے ڈِھل کی لگدی
پہلاں اس نوں اندروں مار
کچا پکا ویکھ تاں لیندی
اینج نہ پاندی سوہنی بھار
ڈینہہ گزرن تے پتا جا لگدا
پیڑ نئیں ہوندی سَجی سار
غدیر زہرا
غدیر زہرہ
No comments:
Post a Comment
Note: only a member of this blog may post a comment.