پنجابی سرائیکی شاعری
جئیں ویلے کئی یاد تیڈی دا موسم آنونڑ پوندے
ساڈے من دا رانجھا تیڈیاں غزلاں گانونڑ پوندے
مور تاں تیڈی ٹور دا چور اے چور نہ سوھنڑیں لگن
میں کوڑینداں مور جِڈاں وی پیلاں پانونڑ پوندے
آپ کوں چھوڑ کے تیڈی ذات تے آندے ترس خدایا
جئیں ویلے او تیڈیاں کُوڑیاں قسماں چانونڑ پوندے
اوندا شیخ کفارہ کیا ہے؟ جے کئی عید ڈیہاڑے
چھوڑ کے عید نمازاں بُکھے بال کھڈانونڑ پوندے
ساڈے من اچ ایویں وسدے عصمت جیویں کوئی
کچے گھر اچ بہہ کے راگ ملہار کُوں گانونڑ پوندے
ریاض عصمت
No comments:
Post a Comment
Note: only a member of this blog may post a comment.