پنجابی سرائیکی شاعری
توں جو رستہ وٹا کے ویندا پئیں
کیا توں پیرے مِٹا کے ویندا پئیں
لگدے ولنڑ دا موڈ نئیں تیڈا
اِتنا اُچا آلا کے ویندا پئیں
میں تاں پیریں دی خاک ہم تیڈی
میکوں پیرو لہا کے ویندا پئیں
اے تاں رستہ ہے کہیں مُتھاجنڑ دا
جِتھاں کنڈے کِھنڈا کے ویندا پئیں
کیندے وٹے دے اگو آساں میں
بیر پکی کھڑا کے ویندا پئیں
ساری دُنیا دے سامنڑیں واقف
کیوں تماشہ بنڑا کے ویندا پئیں
مناف واقف
No comments:
Post a Comment
Note: only a member of this blog may post a comment.