پنجابی سرائیکی شاعری
کوئی ڈہدا نی بیماریں دے پاسے
بہوؤں چاتن اساں یاریں دے پاسے
میڈی غربت نی ڈہدا پُتر میڈا
ودا ڈہدا ہے سرداریں دے پاسے
ڈکھیساں نہ کڈیں پیریں کوں جتی
متاں سر ڈیکھے دستاریں دے پاسے
اساں پاسے گناہ توں خوف تیڈا
تیڈی رحمت گنہگاریں دے پاسے
نکلدا ہم میکوں ہنڑ در ڈکھا کئی
گسئے ہم ڈھیر دیواریں دے پاسے
میڈے مزدور کوں سڑکیں تے نندراں
پلنگ ترڑیندے بیکاریں دے پاسے
جیندے سر انا الحق دی سواری
اوندے گل دا سفر داریں دے پاسے
مسیں مندر کنوں نکھتے ہیں ساجد
ولا ٹر پئے ہیں درباریں دے پاسے
ساجد علی پوری
No comments:
Post a Comment
Note: only a member of this blog may post a comment.