تیرہ لکھ دا حج
اللہ تیرے گھر آونا اے
مینوں وی اج تیرہ لکھ دے دے
حج کراں تے شکر مناواں
تیرے گھر دے پھیرے پاواں
اپنے سارے عیب مکاواں
تیرہ لکھ نال بخشی جاواں
اج دی رات دعاواں والی
جو وی منگیے مل جاندا اے
جس دن مینوں تیرہ لکھ دا
حج سندیسہ آوے گا
جے میں تیرے گھر نا آواں
اپنے آل دوالے وسدے
کجھ لوکاں نوں راشن دیواں
کچھ کُڑیاں دے ویاہ کراواں
کجھ بچیاں نوں پڑھنے پاواں
کسے بیمار نوں ویکھن جاواں
دارو دے کے جان بچاواں
کی توں راضی ہو جاویں گا
جے میں تیرے گھر نا آواں
تیرے دِتے حج دے پیسے
تیری خلقت نوں پرتاواں
کی توں راضی ہو جاویں گا
نیلما ناہید درانی
No comments:
Post a Comment
Note: only a member of this blog may post a comment.