جدید پنجابی شاعری
جھڑ گیا ٹہنیؤں سُکے ہوئے پتّر وانگ
چھنک رہاں مُٹیار دی ٹُٹی جھانجر وانگ
جہڑی بیوہ بنیں، سہاگن تھوڑے دن
اوہ تے زندہ لاش اے چُپ اے پتھر وانگ
اوہدے تن دے راکھے، لِیڑے سیچن کنج
اوہ نے لِیراں، میرے سر دی چادر وانگ
خورے اوہدے خواب خیال تے یاداں وی
ٹوٹے ہوون، میرے دل دی سَدھر وانگ
دل دے دِیوے پا گیا کوئی غم دا تیل
بلدا رہا ساں ساری عمر، بھامبڑ وانگ
کی بِیجاں گا، کی وَڈھاں گا، سوچ رہاں
میرے حصے دی پیلی اے کلر وانگ
مار نہ پتھر،۔ جان اکلّا اختر نوں
میریاں پِیڑاں نال نے، میرے ٹبّر وانگ
اختر کاشمیری
No comments:
Post a Comment
Note: only a member of this blog may post a comment.