پنجابی پوٹھواری پوٹھوہاری پہاڑی شاعری
لفظاں کی لشکائی رکھ
سنگیا ڈاٹھ بنائی رکھ
شونکے ہوا سیالے نی
یاداں نی ارضائی رکھ
ہنڑ میں گل وی نانہہ کرنا
پہھانویں ہتھ خدائی رکھ
سدراں بال دنیں راتِیں
دل تندور پخہھائی رکھ
تھوڑیاں خُشیاں نال تہھروک
تھوڑے درد کمائی رکھ
جائی جائی سیں ادھڑیا دل
پھاہے جائی جائی رکھ
غزل نیں بدّل وی بہھرسن
تو ماحول بنائی رکھ
عبدالرحمان واصف
No comments:
Post a Comment
Note: only a member of this blog may post a comment.