پنجابی سرائیکی شاعری
خُدائے شعر دی امداد بعد وِچ ائی ہئی
غزل تھی پہلے، تیڈی یاد بعد وِچ ائی ہئی
اخیری ویلھے وی پکریا ہا تیڈا غم میکوں
یقین کر میڈی اولاد بعد وِچ ائی ہئی
اے شہر لاشیں کوں گنتے کریندا رہ گے حساب
اے گنتی، گھوڑیں دی تعداد، بعد وِچ ائی ہئی
وجود ساڈے زمینیں دا رزق تھیندے ریہے
فصل تاں پہلے وی ہئی، کھاد بعد وِچ ائی ہئی
حُسین لکھیا تاں آیاں مدینے توں ہنجوں
نجف توں شعر اُتے داد بعد وِچ ائی ہئی
سوال جتنی عمر ہے شعور دی، میڈی
اتھاں کے پہیے دی ایجاد بعد وِچ ائی ہئی
الطاف ملک
No comments:
Post a Comment
Note: only a member of this blog may post a comment.