پنجابی سرائیکی شاعری
اساں چکروں نکھتا ویندے ساڈے ہتھو دریا
انت سمندر برد ہی تھیسی ݙیکھو ڈیکھو دریا
دریا جڈاں رستہ بھلدن وستیاں راہ ڈکھلیندن
اگو اگو وستیاں ہوندین پچھو پچھو دریا
اپنی اپنی سک دے چھول اچ صدیاں گزرگیاں ہن
پرواساں واہندے پئے ہیں ساڈے اورھو دریا
ساکن لہراں چنگیاں لگدن یا متحرک لہراں
یار ہک واری صحرا سانویں رکھ تاں ڈیکھو دریا
نال تہاڈے دھرتی وسوں تساں دھرتی جائے
شالا کہیں دی نظر نہ لگے جیوو ہووو دریا
عابد ہک پردیسی پیاسے دی اے خواہش وی ہے
میڈی تس کوں یاد کراہے جتھاں ڈیکھو دریا
عابد بلال
No comments:
Post a Comment
Note: only a member of this blog may post a comment.